Poorskip ulluini ammassaagut, sisamanng. apriilip 17-iani nal. 13-17 matoqqassalluta
Sisamanngornermi apriilip 17-iani nal. 13-17 matoqqassaagut, nal. 17-21 ammaqqissalluta. Poorskip ulluisa sinneri, tallimanng., arfininng., sapaat aammalu ataasinngorneq poorskip ulluisa aappaanni nal. 13-17 ammassaagut. Takuss!

Silarsuaq takuiuk // Mikro-Makro
Saqqummersitsivimmi tallimanng. apriilip sisamaani nal. 15-17 saqqummersitsineq immikkoortoq nutaaq ”Silarsuaq takuiuk // Mikro-Makro” ammaanersiorneqassaaq. Eqqumiitsulianik tupinnarsinnaasunik aammalu eqqumiit-sulianik mikisuaraaqqanik takusassaqassaaq. Eqqumiitsu-liornerup siammasissusaa takuneqarsinnaassaaq, alakkaasunut angisuunut mikisunullu alutornartunik takusassaqassalluni…

Ullorsiutit 2025
Ukioq manna 2025-mut eqqumiitsulianik imalimmik ullorsiutinik naqiterititsivugut, saqqummersitsineq ”Illoqarfik” tunngavigalugu. Grafisk Værkstedimit, ullumikkut Eqqumiitsuliornermik Ilinniarfik, 1970-ikkunni ullorsiutit isumassarsiorfigalugit ullorsiutiliorpugut. Ullorsiutit saqqummersitsivimmi pisiassaapput, 250,- kr.

Saqqummersitsineq: Melting Barricades
Sisamanngornermi oktobarip qulingani Nuummi Eqqumiitsulianik Saqqummersitsivimmi saqqummersitsineq nutaaq ammaanersiorneqassaaq. Saqqummersitsinerup qulequtaraa ”Melting Barricades” Inuk Silis Høeghimit aamma Asmund Havsteen-Mikkelsenimit suliarineqarsimasoq, 2024-milu ukiunik 20-nngortorsiorluni.

Eqqumiitsuliorluni suliaq immikkut malunnaatilik Augustinus Fonden-imit tapiissutinik qulakkeerneqarpoq
Aningaasaliissuterpassuit Augustinus Fonden-imeersut pissutaallutik Melting Barricades, Asmund Havsteen-Mikkelsen-imit Inuk Silis Høegh-millu pilersinneqarsimasoq, Nuummi Eqqumiitsulianik Saqqummersitsiviup ataatsimut pisiarisinnaalerpaa.