Nuummi Eqqumiitsulianik Saqqummersitsiviup saqqummersissavai Jette Bang & Kirsten Klein piffissami 20/1-mit 28/2-mut 2017.
Saqqummersitsineq arnat marluk assiliisartut eqqumiitsuliortullu Kalaallit Nunaannut assiliiartorlutik tikissimasut pillugit.

Kalaallit Nunaanni millionilikkaanik arlalinnik assiliisoqareersimassajunnarsivoq. Iluliarsuit eqqarsaatigissagaanni hunnorujut tusindilikkaat assilisimassavaat, kisiannili aamma seqernup tarrikkiartornera, inuit talittarfimmiittut aammalumi inuit tamaasa eqqarsaatigalugit.

Jette Bangip aammalu Kirsten Kleinip assilisaanni takusinnaavagut pimoorussaalluartumik sungiussisimassuseqarlunilu assilisaat eqqumiitsuliatullusooq isikkoqalersarlutik.
Kalaallit Nunaanni akerleriittumik takusaqariaaseq. Saqqummersitami Jette Bangip inunnik assilisai qalipaateqanngitsut 1930’ikkunni Nunarput aamma Kirsten Kleinip 2012-mi angalanermini pinngortitaq pillugu assilisamigut ersersinniagai eqqumiitsuliornikkut immikkuullarissut.
Eqqumiitsuliortut marluullutik akunnerminni kinguaariinnik ataatsinik nikingapput. Naak assilisaat pisoqaassusileriigaasinnaagaluartut, nalissaqanngilluinnartuupput malussarissutsimik ataqqinnittumillu sungiussisimanermik assilisaallutik.

Unnuk Kulturisiorfimmi arfininngorneq januaarip 21-ni inuusuttup Inuuteq Kriegel-ip qalipaateqanngitsumik assiliivini piareersimatissavaa, illillu imminut qalipaateqanngitsumik assilisinnaavutit, soorlumigooq Jette Bangip assilisaasa ilagigaatsit.

Sisamanngorneq februaarip 16-ianni Nuummi Eqqumiitsulianik Saqqummersitsivimmi Katuaq suleqatigalugu filmi takutinneqassaaq ”Inuit” 1940-mi Jette Bang-mit filmiliarineqartoq. Takutinneqassallunilu nal. 19:00 iserneq akeqanngilaq.

Saqqummersitsinermi Eqqumiitsulianik saqqummersitsivik siku pillugu eqqumiitsuliortunullu Kalaallit Nunaanni angalasunut sikup isumaa qitiutillugu suliaqassaaq. Eqqumiitsulianik saqqummersitsiviup Facebookia takullattaariuk.

Saqqummersitsineq RAL aamma aningaasaateqarfik Sermeq-imit tapersorneqarsimavoq.