Law Shifters tassaavoq eqqumiitsuliornermi suliaq meeqqanut inuusuttunullu sammisoq, eqqumiitsuliortumit Stine Marie Jacobsenimit pilersinneqarsimasoq. Law Shifters ukiuni kingullerni arfinilinni nunani arlalinni ingerlaarsimavoq. 2019-imi Nuummi Eqqumiitsulianik Saqqummersitsivimmiissimavoq, Kalaallit Nunaannilu ingerlanneqarneranik tunngaveqartumik atuagaq maanna saqqummerpoq.

Atuagaq atuarfinnut tulluarsagaavoq, demokrati, inatsit pisinnaatitaaffillu pillugit pinnguarnertaqarluni, suliassartaqarluni oqaloqatigiissutissanillu imaqarluni. Ilinniartitsisut atuartullu ataatsimoorlutik apeqqutit makku ilaatigut akisinnaavaat: Piviusumik eqqartuussissagaluaruit eqqartuussinerit qanormita issagaluarpa, nunagisannilu inatsisit allanngortissagaluarukkit qanormita naapertuunnerusunngortissinnaavigit?

Law Shiftersip innuttaasut inuusuttunik inatsit demokratilu pillugit peqataalersitsivoq. Law Shifters  inuusuttunut politikkikkut isummersornermik, ileqqorissaarnermut isummanik, naapertuilluarnermillu misigissutsinik oqallissaarutaavoq. Piviusorsiortumik, qungujunnarsinnaasumik nutaalionermillu tunngaveqarlutik inatsit piviusut Law Shifters aqqutigalugu sammineqarsinnaapput. Atuagaq meeqqat atuarfiini ilinniarnertuunngorniarfinnilu atuartitsissutissanik imaqarpoq. Law Shifters aqqutigalugu atuartut isummaminnik tunngavilersuineq ilinniarlugulu sungiusarsinnaavaat.

Atuagaq Kalaallit Nunaanni atuarfinnut tamanut agguaanneqarpoq. Atuakkat tamarmik kalaallisut, qallunaatut, tuluttullu allaqqapput.