Sonya Kelliher-Combs-ip erfalasuliaata eqqumiitsuliap qulequtaraa “Interwoven: Inuit, Greenland, United States”. Kelliher-Combs Alaskap avannaata kitaani illoqarfeeqqami Nomemi peroriartorpoq, Iñuppiaallunilu Athabascaneriulluni – tassa, Alaskami nunap inoqqaavisa ilaat – aammalu tyskinik irlandimiunillu siuaaqarluni.

Kelliher-Combsi siulimi, nunap inoqqaavisa, avatangiisinut pinngortitamullu attaveqarnerannik siumassarsiortarpoq; atortussatigut kulturianni amminik ameraasanillu qanoq atuisarnerannik isumassarsiortarluni. Ilaqutaasa ilitsoqqussatut atortussanik atueriaasaat, soorlu inuit atortussiassaliaannik, atortunik uumasuneersunit, oqaluttuarisaanermi nutaaliaasunillu atuinerannik Kelliher-Combsip eqqqumiitsuliai tunngaveqartarput. Oqaluttuarisaanermi, kulturimi ilaquttamilu ilusilersueriaasiannik suleriaasiannillu misissuinermigut eqqumiitsuliortarpoq. Nammineq ilisarnaatigisai kulturikkullu ilisarnaatit eqqumiitsuliaanut ilusilersuisuupput. Ilisarnaatit inuiaqatimi inuunerisaannut tunngasut, naapertuilluanngitsuliornerit, pisunut avataaniisinneqarnermut, aammalu nunap inoqqaavisa sorsuutigisaannut tunngasut.

“Interwoven: Inuit, Greenland, United States” eqqumiitsuliani tulleriittuliaani Intervowen-imik qulequtalinni (avissaartinneqarsinnaanngitsumik ikaartiterneqarsimasut) ilaavoq. Tulleriiaattuliaani erfalasut atortullu pinngortitameersut nunanit taakkunani marlunnit, Issittullu nunataanni nassaat atortarpai. Ukiuni hunnorujukkaani nunasiaatigineqarsimagaluarlutik, nunasiaataanerlu nassatapiloqaraluartoq, inuiaqatigiit Inuit inuunermik ingerlatsiinnarsinnaasimanerannik ersersitsineruvoq.

Kelliher-Combs-ip atortut assigiinngitsut atorlugit kinaassuseq avatangiisillu misissorpai, ilaatigut kultureqarneq namminerluinnarlu inuttut misigisat atorlugit. Uumassusilinneersut uumassuseqanngitsuneersullu akornanni, nunap inoqqaavisa nunarsuarmilu kitaamiut kulturiisa akornanni, nunasiaataasut nunaasiaateqartullu akornanni, tussunngunerup nutaaliornerillu akornanni qaleriaariiaallugit eqqumiitsuliortarpoq.