Unnuk Kulturisiorfik
Unnuk Kulturisiorfimmi alakkaagit (tukannerpullu ajuusaarutigaarput!). Nuummi Eqqumiitsulianik Saqqummersitsivimmi katersanik saqqummersitat allanngortiterpagut, taamaakkaluartoq unnuk kulturisiorfimmi ammalaarnissarput pinngitsoorsinnaanngilarput. Taamaammat arfininngorpat januaarip 18-iani nal. 13-21 pisiniarfipput aamma saqqummersitsineq ”Melting Barricades” ammassaaq. Kaffi/tii/safti kaageeqqallu sassaalliutaassapput.
Aamma eqqugassaqalaassaaq! Nuummi Eqqumiitsulianik Saqqummersitsivik 2025-mi maajimi ukiunik 20-nngortorsiussaaq, maannamiillu malunnartileriissavarput! Unnuk Kulturisiorfimmi 2025-mut ullorsiutinik aasaq saqqummersitsinermi Illoqarfimmi eqqumiitsulianik assitalik isertut 20-ssaat eqquisassaaq. Nal. 13-21 alakkaagisi!
Saqqummersitsineq ”Melting Barricades” pillugu:
Sakkutuutut atisaqarlutik, sakkutuutut biileqarlutik, megafonilerlutik, sakkutuutullu tupeqarlutik, generalmajoori Kaali Kristiansen aamma oberstløjtnanti Karius Kristiansen 2004-mi Kalaallit Nunaata sakkutooqarfiata pilersinneqarnera suaarutigivaat. Allatsittut uuttortissinnarlutik qimussernermik, umiatsiarnermik qamuteralannermillu pisinnaasaat pillugit apersorneqarput, aammalu puisimik, tuttumik nanumilluunniit pisaqarnikuunersut apersorneqarput…
Eqqumiitsuliorluni suliaq “Melting Barricades” Inuk Silis Høeghimit Asmund Havsteen-Mikkelsenimillu suliaavoq, taakkulu namminneq generakmajoriusaarlutillu oberstløjtnantiusaarput. Eqqumiitsuliorluni suliaq tamakkiisumik 2024-mi Augustinusfondenimit aningaasaliiffigineqartillugu Nuummi Eqqumiitsulianik Saqqummersitsivimmit pisiarineqarpoq.