Sumiiffimmut aalajangersimasumut atatilllugu suliaq ”Arctic Armpit (siullermeernera (1) / Nuuk 2023)” uninut tarnutinik Palmolive Men Pure Arcticinik 400-nik suliaavoq. Nuummi Eqqumiitsulianik Saqqummersitsivimmi ikkussorneqassaaq. Imalik-imaqanngitsumik iikkamut suliaq, Kalaallit Nunaata erfalasuanut tikkuartoq, ullumi Issittumi Avannarlermi (Arktisimi) akerleriinnerit itinerusumiittut qaleriiaattullu sammivai. Arktis piviusoq akerlianilu Arktis aalajangersimanngitsoq. Arktis tamaaniittoq akerlianilu Arktis nunarsuarmi tamaniittoq. Arktis ilumoortoq akerlianilu Arktis tunisassiaq. Nammineersinnaaneq akerlianilu ussassaarineq, tunisassianik naqinnilersuineq aammalu imminut takornartassiarineq. Taakku tamarmik uani aporput, 20 literimi aamma/imaluunniit ukiuni hunnorujuni arktisimik minguitsumik sanariikkamik inernilimmi.

Eqqumiitsuliortunit Jérémie McGowanimit aamma Amund Sjølie Sveenimit suliaavoq. Maajip 25-anit 28-ata tungaanut Nuuk Nordisk Kulturfestivaleqarnerani takutinneqassaaq, juunillu 25-ata tungaanut takusarneqarsinnaassalluni.

Tallimanngornermi maajip 26-ani nal. 11-12 eqqumiitsuliortut saqqummersitsivimmi naapinneqarsinnaassapput.

*Aqua, aluminiumchlorhydrat, glycerin, PPG-15 Stearyl Ether, Steareth-2, Dimethicone, Steareth-21, Parfume, Caprylyl Glycol, Calcium Silicate, Lactose, Valleprotein. Palmolive Men Pure Arctic uninut tarnut Colgate-Palmolivemit tunisassiaavoq, amerikaminngaanniit nunani tamalaani inunnut tunisassialerivik, New York Citymi Manhattanip qeqqani Park Avenuemi pingaarnermik allaffeqarfilik. Uninut tarnutip tipaa “qeriuaannartup masarsuaninngaanniit isumassarsiatut” nassuiarpaat.