Saqqummersitsineq 9. maaji nal. 17

Nunatsinni eqqumiitsuliortut peqatigiiffiat KIMIK aasaanerani Nuummi Eqqumiitsulianik Saqqummersitsivimmi saqqummersitsissaaq. Saqqummersitsineq maajip qulingiluaani pissaaq saqqummersitsinerlu juulip 28-ata tungaanut takusarneqarsinnaassalluni.

Saqqummersitsinermi ukunannga eqqumiitsuliat saqqummersinneqassapput: Pierre A C Auzias, Miki Jacobsen, Kristine Spore Kreutzmann, Ivalo Abelsen, Lisbeth Karline Poulsen, Buuti Pedersen, Peter Kristiansen, Maria Panínguak’ Kjærulff, Ivínguak’ Stork Høegh, Julie Edel Hardenberg, Naja Rosing-Asvid og Arnannguaq Høegh.

Inuit, leopardit puisillu eqqumiitsuliani takussaapput, ilaatigut qalipakkat, marriat, naqitat, filtiliat allallu. Naatsorsuutigineqarpoq eqqumiitsuliat hunnorujut tungaanut saqqummersinneqassasut, taakkualu ilarpassui tuniniarneqassallutik. Eqqumiitsuliortut peqatigiiffiata ukiukkaartumik saqqummersitsisarneri Kalaallit Nunaanni eqqumiitsuliornerup killiffia takutittarpaa. Saqqummersitsinerit annertukkajuttarput, qalipaatigissaarlutik, suliaqariaatsit atortussallu siammasissuukkajullutik.

KIMIK pillugu

KIMIK tassaavoq Nunatsinni Eqqumiitsuliortut Peqatigiiffiat, tyvellu sinnilaarlugit ilaasortaqarluni. KIMIK kalaallisut isumaqarpoq nukik aamma kimik. Peqatigiiffik 1995-imi pilersinneqarpoq namminerlu Nuummi Nuutoqqami sannaveqarluni.

Ilaasortanngorniaraanni qinnuteqarfiup nalaani Kalaallit Nunaanni najugaqartariaqarpoq, aammalu eqqumiitsuliornermik ingerlariaqqiffiusumik ilinniagaqarsimaneq imaluunniit qaffasissumik eqqumiitsuliornermik piginnaasaqarneq uppernarsarsinnaassalluni.

Eqqumiitsuliortut peqatigiiffiat ukiukkaartumik Katuami saqqummersitsisarnikuuvoq, massakkulli ukioq allortarlugu Nuummi Eqqumiitsulianik Saqqummersitsivimmi saqqummersitsisarluni. Eqqumiitsuliortut No Limits / Grænseløs / Killeqanngitsoq sammivaat.